Titartagaq 1. Ukiumoortumik pisiumassutsimi pilersuinermilu ineriartornivimmut alliartortitseqataasut
Malugiuk.: 2003-2008-mi kisitsisit inaarutaasuupput, 2009-2011-mili kisitsigallarnerullutik.
Najoqqutaq: Naatsorsueqqissaartarfik
Nunap iluani pisiumassuseq nunanillu allanik niueqateqarneq
Pisiumassuseq tamakkiisoq 2011-mi 9,6 pct.-inik annertuseriarpoq. Pisiumassutsip annertuseriarnera avammut tunisassiornermeersoq nunallu iluani niuernermeersoq ineriartornermut taamatut ineriartortoqarneranut tapertaavoq, pisiumassutsillu annertuseriarnera avataanit eqqussuinermit matussuserneqarpoq, taanna 17,2 pct.-mik qaffariarmat.
Pisiumassuseq pilersuinerlu annertussutsimikkut assigiittarput, taamaammallu nikerarneri assigiimmik ingerlasarlutik. Pisiumassutsimi qaffariarneq nunap avataanut niueqateqarnermit imaluunniit nunap iluani pisiumassutsimit aallaaveqarsinnaavoq. Pilersuinermi annertuseriaat avataanit eqqussuinermit imaluunniit nunap iluani naleqarnerulersitsinermit, BNP-mit matussuserneqarsinnaavoq.
Piffissat pisiumassutsip qaffakkiartupiloorfigisai amerlanertigut avataaniit eqqussuinerup assingusumik qaffariarneranik kinguneqartarput, tamatumunnga peqqutaavoq piffissami naannerusumi pilersuinerup ineriartorneranut BNP-p matussusiisinnaassusaata killeqartarnera. Taamatut pisoqartarnera 2008-mi pisumut assinguvoq, tassani pisiumassutsip qaffariapiloornerata kingunerimmagu avataaniit eqqussuinerup qaffariapiloornera.
Titartagaq 1. Ukiumoortumik pisiumassutsimi pilersuinermilu ineriartornivimmut alliartortitseqataasut
Malugiuk.: 2003-2008-mi kisitsisit inaarutaasuupput, 2009-2011-mili kisitsigallarnerullutik.
Najoqqutaq: Naatsorsueqqissaartarfik